Dimapur DC-i Aadhaar atema sangdonger

Dimapur, August 12 (TYO): Dimapur Deputy Commissioner, Kesonyu Yhome-i district nung nüburtem dang, dokan aser outlets nung Aadhaar enrolment agitsü atema state sorkari tashi agüja mali, ta metetdaktsü.
Designated Enrolment Agencies- DC office Dimapur, Niuland aser Medziphema nung ADC office tem aser Dhansiripar aser Kuhuboto nung aliba SDO office tem nung dang Aadhaar enrolment agitsü atema sorkari tashi agüja lir; Dokan aser outlets nungji Aadhaar correction dang sütettsü, ta kasa osang ajanga metetdaktsü.
Dimapur DC-isa item ama outlets nung Aadhaar enrolment agirtemi tangsa item mapaji anentsüla, mesüra nüngdakba temerenshi agütsütsü, ta metetdaktsü.