Dimapur DC-i BAN conference hall lapoktsü

Dimapur, Yimpoksüi/November 30 (TYO): Dimapur, DC court junction nung aliba Westcity building anasa Yimpoksüi/November 30,2018 Rogonü Deputy Commissioner, Dimapur Sushil Kumar Patel, IAS-i Westcity Conference hall ka lapoktsüogo. Iba conference hall ya Business Association of Nagas (BAN) aser Dungphi Chokae Okho na longjema yangluba lir.
Conference Hall lapokba sentong nung Patel-i jembiba mapang, pai, telok anaprongla longjema mapa tajung inyakba atema tenüngsang agütsü aser bendanga agütsüba den külemi tejakleni aotsü atema tajungshiba agütsü.
BAN president, Vitho Zao-i ashiba agi, iba conference hall ya nüburtem nem taa dalang nung anogo tesadang ka atema sen 3000 aser anogo toklang atema sen 5000 yong mekaa yur amshidaktsütsü.
Dungphi Chokae Okho telok tenüng nung pastor Yanbemo Ovung-i, par telok BAN den longjemba ya maongka ka ama lir aser tarutsü nunga maparen balala nung longjema inyaka aotsü asoshi tayongzükba agütsü.
Sentong tenzüka Associate pastor DABA Toshi Longkumer-i sarasademtsü.
Iba conference hall tasazükji nung nisung 30 shii mentettsüsa yanglutsü. Takdang nung air condition, executive chairs aser projector tem densema lir. Mekaa yuner temi BAN office mesüra iba ph no. 9856318709 ajanga tongtepratepang.