Dimapur DC-i party tem nem final E-Roll agütsüogo

Dimapur, Tsüklai/February 07, 2020 (TYO): Dimapur Deputy Commissioner, Anoop Kinchi IAS, shiba Dimapur DEO lir, pai political party ajak (BJP, INC, NPF, NDPP) nem Electoral Roll indang tatembangbuba adok bendanga agütsüogo, ta DPRO sangdong ka ajanga metetdaktsü.
February 07, 2020 Hokolbarnü Dimapur DC office nungi political party ajak nem E- Roll (hard aser soft copy) indang copy agüja liasü.
1- Dimapur I, 2- Dimapur II, 3- Dimapur III, 4- Ghaspani I aser 5- Ghaspani II Assembly Constituency tem atema draft electoral roll dak sendakba nung melenshibatem indang list ji Registration of Elector Rules, 1960 ajanga tuyuba ama renemtsüogo, ta metetdaktsür.
E-Roll indang copy den melenshiba indang list ji adoktsüogo aser iba list reprangdangtsü atema DC aser DEO Dimapur nung office mapang angutsü.