Dimapur DC-i rates chart sayatsü tuyur

Dimapur, November 21 (TYO): Brihostibarnü Doimapur DC Conference hall nung Dimapur DC, Anoop Kinchi IAS-i tim departments- Excise, Forest, DMC aser PAC, Business Association of Nagaland, Dimapur Chamber of commerce aser tanga melungtet teloktem den külem senden ka mena nüngdakba osettsüset/aonsotsü nung saru saruba aser jenjang atuba dak sendakba nung o lemtepogo, ta ketdangsertem osang ka ajanga metetdaktsü.
Senden nung Dimapur DC Anoop-i DMC (Dimapur Municipal Council) dang publis tesemtem nung nüngdakba osettsüset/aonsotsü indang chart rates sayatsü tuyua liasü.
Iba sendne nung jembidang Commissioner Police Dimapur, Rothihu Tetseo IPS-ia Dimapur senso ka ama ajaki amalitepa inyaktsü aser longjemer inyaktsü ayongzük.
Melungtet teloktemia Price Monitoring Committee tentettsü atema lemtetba asoshi district administration dang pelaba metetdaktsü.