Dimapur DC-i Relief Fund atema metetdaktsür

Dimapur, July 27 (TYO): State Disaster Relief Fund (SDRF) kübok 2016- 2017 indang Relief Fund agütsütsü, ta Dimapur Deputy Commissioner, Kesonyu Yhome-i sangdong ka nung metetdaktsü.
Alima lendong balala nung takoksa angurtem aser teyari meshirtem nem sen teyari agütsütsü aser ibaji Sadar areas atema Deputy Commissioner Dimapur, sub divisions atema ADC Nuiland/Medziphema aser Chumukedima circle atema EAC Chumukedima office tem nungi agütsütsü, ta DC-isa metetdaktsü.
July 31, 2017 nungi sen teyari agütsüba mapa tenzüktsü aser temalen shia aliba office tem indang notice boards nung tangutsüpurtem tenüngtem metetdakja lir.
Tenüng agüja aliba tangutsüpurtemi pei sasa administrative officer ket nungi relief fund agizüktsü akok aser proof of identity atema Aadhaar card/ID cards photocopy bener arutsü metetdaktsür, ta Dimapur Deputy Commissioner-isa sangdong nung shia lir.