Dimapur DC-i Shramdam tenzüktsütsü

Dimapur, October 01 (TYO): Mahatma Gandhi sor küm 150 ajungba nüngtem nung October 2 nü Dimapur DC, Kevekha Kevin Zehol leniba nung Swachhata Hi Seva tenangzükba agitsü aser anepdang 6:00 ako nung City Tower Junction, Dimapur nung pai Mass Shramdam tenzüktsütsü, ta ketdangsertem osang ka ajanga metetdaktsü.
Kasa sentong nung Administrator DMC, Albert Ezung-i o tatsüka jembitsü aser UDO & Member-Secretary, Pangzangkokba-i pelaa agizükba o jembitsü.
Iba dak sendakba nung DC-i district kübok department balala nungi ketdangsertem aser statff tem, military/ paramilitary, dokan amenertem aser Dimapur nung aliba sensotem dang iba sentong nung adentsü aser plastic jana bendena shimdangba nung shilem agitsü ayongzükogo.