Dimapur DC-i temetettsü kar sangdonger

Dimapur, April 18 (TYO): COVID 19 tensa ajanga Dimapur kübok SBI Old Market Branch indang maparen ajak SBI Bazaar Branch, Dhobinala nung inyaktsü, ta Dimapur DC Anoop Khinchi-i metetdaktsüogo.
Tanga tetuyuba ka magütsü tashi customer temi Bazaar Branch nung bank maparen inyaka atatsü mepishir, ta DC-isa ashi.
Wholesale Market: Maneni, Anoop Khinchi-isa tanga sangdong ka nung, Super Market nung lapokba Wholesale Market nung aonsotsü alitsü permit ji colony mesüra village GB/Chairman ajanga agütsütsü, ta metetdaktsüogo.
LPG cylinders: Paisa LPG Bottling Plant, Indian Oil Corporation Ltd., Chumukedima dang LPG cylinders aser LPG distribution nung amshiba gari ajak mozü agi merüktettsü atema tetuyuba agütsü.
LPG cylinders belener ajaki masks enoktsüla aser nisung o nisung tsüngda tepila ayutsüla, ta Dimapur DC-isa metetdaktsü.
Wholesale Medical Shops: Dimapur nung Christian Literature Center lane, Nyamo Lotha Road (Church Road) nung aliba wholesale Medical Shops April 20, 2020 nungi anepdang 9:00 ako nungi anüngdang 12:00 ako tashi lapokdaktsütsü, ta Dimapur DC-isa metetdaktsüogo.
Nagaland Medical Dealers Association (NMDA) ajanga agütsüba permit/ passes alirtemi medical wholesale shops nungi alitettsü saka nija dangbo mayoktsü, ta paisa ashi.
Dimapur DC-isa dokan kiburtem dang teka metsüktsü atema sapon aser tzü yutsütsü aser nisungtem kongshiba ajak mozü agi merüktettsü tetuyuba agütsüogo.
Dokan kiburtem, ayokertem aser shishirtemi masks enoktsüla aser meter 1 tetsüngda ayutsüla, ta paisa shisem.
Dimapur district nung Covid-19 anema inyakba maparen benoka olemteptsü atema Hombarnü District Task Force senden ka amentsü ta Anoop Kinchi-isa ashi.
Sendenji deputy commissioner indang conference hall nung amentsü aser sendaktepa alir ajak adentsü mepishir, ta paisa shisem.