Dimapur DC-i training atema sangdonger

Dimapur, March 20 (TYO): Dimapur DC & DEO, Kevekha Kevin Zehol-i sangdong ka ajanga Lok Sabha Election 2019 atema polling personel training agitsü anogotem metetdaktsüogo.
Presiding Officers aser 1st Polling Officers atema mezüngbuba aser tanabuba shilem training ji March 22 aser March 29 nü Government College Dimapur nung anepdang 10:00 ako nungi nikongdang 4:00 ako tashi agitsü aser 2nd Polling Officers den 3rd Polling Officers atema training ji March 23 aser March 30 nü Government College Dimapur nung anepdang 10:00 ako nungi nikongdang 4:00 ako tashi agitsü, ta sangdong nung shia lir.
Presiding aser 1st Polling Officers atema tasembuba aser tatembangbuba training ji April 8, 2019 anepdang 10:00 ako nungi nikongdang 4:00 ako tashi agitsü aser training agitsü tesemji mapang tatong nung metetdaktsütsü, ta kasa sangdong ajanga metetdaktsü.