Dimapur DC-i wholesale godown nungi jangotsü abentsü tuyur

Dimapur, Rongchii/April 15 (TYO): Dimapur nung wholesale shishikembadak tesem, Murgipatti, Marwaripatti & G S Road, shibangba ajanga nüngdakba jang-o-tzü tem alemba maparen achayangtsü asoshi tentetba committee ajanga Dimapur district kübok ward, sadar, yimtsüng aser Sub-division atema wholesale godown tem lemsatsüba Annexure-I nung agütsür, ta Deputy Commissioner, Domapur, Anoop Khinchi, IAS ajanga sangdong ka nung metetdaktsü.
Kasa atema Deputy Commissioner, Dimapur ajanga Special Vehicle permit agütsütsü.
Danga district tem atema nüngdakba osettsüset abentsü asoshi pei district nung Deputy Commissioner ajanga nüngdakba permit tem agütsütsü, koba Annexure-I nung shia lir.