Dimapur DC leniba nung senden amen

Dimapur, Chiteni/July 27 (TYO): Chief Secretary office Nagaland tetuyuba kübok Chiteni 27, 2018 nü Dimapur DC office chamber nung Deputy Commissioner Dimapur, Sushil Kumar Patel (IAS) leniba nung senden ka amen, aser iba senden nung Commissioner & Secretary (W&H) Nagaland, GM, NHDICL, DGP Traffic, DTO, EE PWD(NH) EAC Chumukedima aser DPRO Dimapur nunger dena liasü.
Iba senden nung züngsemtemi NH 29 nung khu abenba truck tem khu touzük latettsütsü aser gari senzüsembongba jenjang tajungba akumtsü atema NH 29 yanglushitsü atema o lemtepa liasü.
Senden nung jembia bangzüngba onüktem:
Ministry of Road Transport and Highways-i tetuyuba agutsüba nung ajemdaker Dimapur DC-i NH 29 nung khu tali abenba mita reprangtsü atema tetuyuba ka agutsütsü;
Niuland-Zhadima-Kohima road ji gari tilatem (light vehicles) atema dang lapoktsür. Iba dak sendakba nung gari tilatemji Kohima leni aodang iba lenmangji amshitsü ajungshitsü; GM, NHIDCL dang gari junga senzüsembongtsü atema NH- 29 tajungba kuma yanglushitsü atema mepishitsü.