Dimapur DC taseni tzümetsüng timtem asadang

Dimapur, October 29 (TYO): Yashi Anoop Kinchi IAS-i Dimapur Deputy Commissioner mapa inyaktsü tenzükba sülen Nagaland nung tzümetsüng tensa indang osang metetpelaa liasü.
Senden nung DC Anoop-i Dimapur nung tzümetsüng tia atema tebilemtsü abenba metetdaktsü aser teinyaktsütem asüngdang. Idangji Home guards aser DDMA ketdangsertemi osettsüset, nübo peria maliba den training nüngdaker ta pa dang ashi.
Lendong-tsüdong atalokdang nübortemi mapang shitak nung bangdakpur nem osang sangoktsütsü atema inyakyim ka tenzüktsüla, ta Anoop-i senden nung tebilemba ka lemsatep.