Dimapur DC&DEO-i polling personel training atema sangdonger

Dimapur, Monupii/May 12 (TYO): Dimapur DC aser DEO, Sushil Kumar Patel-i sangdong ka ajanga taruba 1-Nagaland Parliamentary Constituency 2018 bye election atema Dimapur district kübok mapa lemzükja aliba Polling personnel ajak dang, Bye-Election atema training mezüngbuba shilemji Monupii/May 15, 2018 nü Dimapur Government College, Dimapur nung agitsü, ta metetdaktsüogo.
Presiding & 1st Polling Officers atema training ji anepdang 10:00 ako nungi nikongdang 1:00 ako tashi agitsü aser 2nd, 3rd & 4th Polling Officers atema training ji nikongdang 2:00 ako nungi 4:00 ako tashi agitsü.
Iba dak sendakba nung DC-i ajak dang training nung medema adentsü metetdaktsüogo; training nung madenertem nem Representation of the People’s Act 1950 & Conduct of Election Rules 1961 nung ajemdaker temerenshi agutsütsü.