Dimapur dena airfield 6 nung IAF-i fighter jet ayimtsü tenzüker

Guwahati, October 16 (Agencies): Indian Air Force (IAF) indang Eastern Air Command (EAC)-i Bodbar nungi Northeast state 4 den West Bengal nung fighter jet maparen tenzükogo.
Airfield 6 ji Dimapur (Nagaland), Imphal (Manipur), Guwahati (Assam), Kolkata (West Bengal), Pasighat (Arunachal Pradesh) aser Andal (West Bengal) lir.
Iba mapang SU 30 MKi aser Hawk 132 tayimtsütem amshitsü aser shilem ana lemsar agitsü. Tanü nungi tenzükba shilem ya October 19 tashi agitsü aser tanabuba shilemji October 29 nungi November 1 tashi agitsü, ta IAF sangdong ka nung metetdaktsü.
“Iba ajanga IAF crew-i mazüngi aliba airfields nungi ayimtsü aser civilian tayimtsütem den yariteptsü tangazükba angutsü” ta sangdong nungsa ashi.
Osang ajanga ashiba agi, Imphal nung tayimtsü ana 106 squadron nungi aser Dimapur nung 102 squadron nungi tayimtsü ana lemzüktsüogo.
Kolkata nunga 2 squadron nungi tayimtsü asem, Chabua, Dibrugarh nung ana aser Tezpur nung pungu lemzüktsüogo. Tayimtsü tenetbo SU-30s lir.