Dimapur DEO-i GHS Sarbura, Kashiram nung classroom 3 lapoktsü

Dimapur, May 31 (TYO) :  Government High School, Sarbura, Kashiram nung SSA scheme kübok classroom asem yangluba Mongulbarnü DEO, Dimapur, R Amongla-i lapoktsüogo.
Amongla-i tongti tesemdanger o jembidang, nisung ajaki loktiliba jungdaktsütsü atema kechisarena ajaklen nungi yariteptsü ayongzük.
School ketdangsertem, tsüraburtem aser ano tangartemi school tajungba kümdaktsütsü atema meranga yariteptsüla. Kaketshirtemji loktiliba atema rongsen lir anungji tesayurtemi tanurtem tim lenmang nung anitettsüla, ta laisa ayongzük.
DEO Dimapur-isa classroom tasen mapang shitak nung yangluzükba atema tenüngtsang agütsü aser school anepalutsü shisem.
Iba sentong nung Construction Committee convenor, M Panger aser Kashiram Village Council Chairman, TS Meren nati o tatsütsü jembi aser school choir den Langtho nungeri ken aten.