Dimapur District Auto Drivers’ Union-i asüku lemsar

Dimapur, April 18 (TYO) : Dimapur District Auto Drivers’ Union (DDADU) chief advisor Akaho Kibami tebu N. Khenivi Kibami April 16, 2016 nü asüba osang angashia aoksar aser asüku lemsateper, DDADU-i sangdong ka nung metetdaktsü.

Tesüiba küm aika asür Khenivi-i lokti mapa balala nung shilem agia aruogo aser pai iba akümli toktsür aobji Sumi nunger atema aser Dimapur nung alirtem atema takoksa tulu lir, ta DDADU tir, K Hokaito Zhimomi-i sangdong nung shia lir.

DDADU-i asür nem teti anisüngzük ngudakjang aser par kibong nem tejashi koktettsü atema tashi agüjang ta sarasademtsür, ta Hokaito-isa metetdaktsü.