Dimapur District CHILDLINE Advisory Board senden amen

Dimapur, Tsüklai/February 12, 2021 (TYO): Hokolbarnü, DC Conference Hall nung, Dimapur District CHILDLINE Advisory Board senden agiogo, kong Rajesh Soundararajan, IAS Deputy Commissioner Dimapur menden liasü.
Iba senden agiba mapang, ‘child friendly colony campaign’ , Dimapur nung Hostel tem atema child protection policy tenzüktsütsü, District Task Force tawabangba kübok – ayangdaktsüba/mapa inyakdaktsüba tanurtem (child labour) kümzüktsü, constable level nung police tem atema consultation cum orientation, media balala den shisadokten senden akatsü aser covid19 test den CHILDLINE ajanga teyuba rongdak maparen nung tongtibang agütsütsü indang jembitepogo. Iba senden nung Department aser Telok tentet balala nungi züngsem 19 denogo, ta sangdong ka ajanga metetdaktsü.