Dimapur District Citizens Forum-i Rotary Club nem tenüngsang agütsür

Dimapur, April 1 (TYO) : Dimapur nung alirtem tenüng nung Dimapur District Citizens Forum (DDCF)-i Rotary club, Dimapur nem ‘Rotary RAHAT Medical Mission’ ayongzüka agiba atema tenüngsang agütsür, ta DDCF-i metetdaktsü.
DDCF Tir Joseph Lemtur-i anir ketdangpurtem – K K Paul, Ahidur Rahman, Richard Haulai aser Chandu Agarwal (District Governor Rotary Club) nungertemi District Hospital Dimapur semdang aser Rotary züngsemtemi mapa tajung inyakba atema tenüngsang agütsü.
March 28 nungi April 1, 2016 tashi nung temang manemi alir nisung 4000 temang angati tendanga repranger mozü agütsüogo. Ano manemi alir 300 shi operation agiogo. Iba angati medical camp nung India kübok tesem balala nungi super specialist doctors (senior surgeons) 21 aser Rotary volunteers 8-i yariteper.
DDCF-i Rotary club dang kanga pelaba metetdaktsü aser ano Dimapur nung alirtemi iba maongka agia April 5, 2016 tashi medical camp alidang teyari agitsü mepishia metetdaktsü.