Dimapur district DPDB senden amen

Dimapur, Mongputeni/October 05 (TYO): Ita shia amenba Dimapur District Planning and Development Board senden Mongputeni/October 5, 2018 nü Dimapur Deputy Commissioner indang conference hall nung menogo, ta ketdangsertem osang ka ajanga metetdaktsü.
Senden tenzüka Dimapur DC aser DPDB Dimapur Vice Chairman, Sushil Kumar Patel, IAS-i Dimapur nung tang tasen posting arur ketdangsertem pelaa agizük.
Taoba senden nung lemteba onüktem reprangshia Board züngsemtemi Riverbelt School, Full Nagarjan, Dimapur upgrade asutsü atema kuli kakettemji ajak shidak lir, anungji ibaji temaba ketdangsertem matsüngdang benoktsü lemtet.
Senden nungsa society balala registration atema jembi aser kuli kakettem ajak shidak ali nungji züngsemtemi ibaji Home department nem agutsütsü lemtet.
Society temji: 1. Nagaland Importer and Exporter Association, Noton Basti Dimapur 2. Tribal Weave, Duncan Basti 3. Kevichusa Foundation society, East Block Colony, Burma camp 4. Mobilise Actions for Change 5. Skilled Educational Society, East Police colony Dimapur aser 6. Helping Hand for Empowerment, Livelihood and Progress, Darogajan village, Dimapur.
Government Hindi Institute tongti building yanglutsü onük dak sendakba nung Board züngsemtemi iba atemaji inyaktsü lemtet.
Senden nungsa züngsemtemi Mongputeni/October 21 nungi 23 tashi departmental Sports week ayonga amongtsü lemtet, aser iba dak sendakba nung committee ka tentettsü ta DC-i metetdaktsü.
Senden nung Power Department aser Urban development department-i department-i inyakba mapatem metetdakja liasü.