Dimapur District GB’s Association-i ayongzüker

Dimapur, March 27 (TYO): Centre aser state sorkartemi COVID-19 wara azüoktsü atema mapa tajung inyakba atema tenüngsang agütsür aser kasa mapang nung GBs-ia pei pei tesem nung Police, Administration mesüra Medical Teams den yariteptsü mepishir, ta Dimapur District GB’s Association (DDGBA)-i metetdaktsü.
“World Health Organisation (WHO)-i COVID-19 ya alima wara ka ta sangoktsüogo, aser iba ya asenok ajak indang külem tebilemtsü ka kümogo. Iba ama mapang ka nung asenok GB temi asen teinyaktsü mapa inyaktsüla” ta DDGBA Tir, Khehovi V. Chophi aser Tongti Tezülur, L. Ponghok Phom nati sangdong ka nung ashi.
“Public-ia olulutem nung amanger petsaprong masütsüla aser sorkari ashiba ama kilung nung dang alitsüla. Yamaji inyakba ajanga nai na dang masü saka tangartem yarir. Ajak dang tematiba asenok ajak longjemer iba alima wara azüokdi aser Tajungsang Tsüngrem dang anogo tajungtem atema sarasademdi” ta DDGBA mendenpurtemisa ayongzükogo.