Dimapur District nung VVPAT Demonstration drive agidar

Dimapur, December 20 (TYO): Taruba Assembly election atema voters nem shisatsü agütsütsü atema Dimapur DC aser DEO Dimapur, Sushil Kumar Patel, IAS aser pai aniba ketdangsertemi Dimapur district nung VVPAT demonstration drive tenzükogo, ta tanü ketdangsertem sangdong ka ajanga metetdaktsü.
Demonstration drive ya November ita nungi tenzük aser Assembly Election 2018 agiba tashi akatsü.
VVPAT demonstration atema Dimapur nung Administrative officers & Sector Officers-i nüburtem dang jelia mapang, anogo aser tesem metetdaktsüogo, iba den külemi parnokisa tasüngdangbatem langzütsü.
Dimapur District atema VVPAT Demonstration calendar yangluogo aser ibaji Administrative Officers-i peipei tesem nung nüburtem nem metetdaktsütsü.
VVPAT demonstration drive ya Niuland aser Dhansiripar Sub-division na nung tang tagidak lir.
DC-isa nüburtem dang VVPAT Demonstration drive nung shilem agitsü aser vote timi agütsütsü atema tenangzükba agitsü mepishia metetdaktsüogo.