Dimapur district tesashiba alenbanger

Dimapur, March 31 (TYO): Dimapur district nung COVID-19 noktangtsü aser prokshiba azüoktsü atema April 1, 2020 anepdang 6:00 ako nungi tenzüker April 3, 2020 ayaterm tashi shibangtsü, ta tanü District Administration-i metetdaktsüogo.

Iba mapang nisung aser gari senzüsenbong masütsü aser dokan, shishilembak aser nija reju ajak shibangtsü, ta parnokisa ashi.

Ajisüaka, iba tenokdangba kübok Police/Army/ Para-Military forces/Magistrates on duty/ nija mozütem aser clinic dena Doctors & Medical Staff in duty/Bank staff/Media nisungtem aser emergency services inyakba nisungtem madentsü, ta district administration-isa metetdaktsü.

Iba tenokdangba mapang nisung kari danga aibelenra, Disaster Management Act, 2005 nung arrla 51 nungi 60 aser IPC nung arrla 188 kübok temerenshi alitsü, ta parnokisa kümdangtsü shiogo.

Iba mapang rongdak nüngdak kar adokra public-i tsünglanglen agüja aliba number tem nung tongteptsü akok:

1. Ambulance & Medicine – 8787551751
2. DC Office Control Room – 6009924366
3. Police Control Room – 7085055050
4. Medical Control Room – 7630877991/7630877983