Dimapur District TTA senden jateper

Dimapur, September 28 (TYO): Tan September ita 30 nikongdang 3:00 ako nungi tenzüka Dimapur District Table Tennis Association (DDTTA) senden Dimapur kübok Indoor Stadium nung amentsü ayongogo.
“Taruba October ita 9-10 nü tashi asayatsü ayongba Dimapur Open & Inter-School Table Tennis asayamong den sentakba tongtipang onük benoka jembitsü nükjidong nung tan senden ya jateper,” ta shia, züngsem ajungai arua shilem agitsü tajungshiba olen ka DDTTA Tir, Er. Chirhotho-i tanü sangdong ka ajanga metetdaktsüogo.