Dimapur DPDB senden agi

Dimapur, February 5 (TYO) : February 5, 2016 nü Dimapur District Planning & Development Board(DPDB) senden agi.

February ita atema DPDB sendenji D.C Conference Hall nung agi aser mendenji Irrigation & flood control Parliamentary Secretary aser Dimapur DPDB Chairman, Jacob Zhimomi liasü.

Taoba DPDB senden nung lemzüktsüba ama Taxes Department-i parnok department indang power point presentation ka sayu.

Taxes department-i state asoshi sen bener arutsüba atema DPDB Chairman, Jacob-i parnok nem tenüngsang agütsü aser maneni meranga inyaktsü ayongzük.

Republic Day 2016 nung Chief Executive Officer, Fishery Department, Dimapur, Dr. Vimezo Kire-i Governor’s Commendation Certificate anguba atema Board züngsemtem ajak tenüng nung Jacob-i pa nem tenüngsang agütsü.

Taruba DPDB senden nung Excise Department-i departmental presentation agütsütsü atema mapa lemzüktsü.

Senden nungsa DPDB-i government primary school tasen pezü lapoktsü mulunga agizük aser item school ji 1. Rilan Village, 2.       Khehoi, Dhansiripar, 3.           Chumukedima ‘A’ Village aser 4. Sabalie Colony ward-8, Chumukedima Town nung asütsü.

You must be logged in to post a comment Login