Dimapur DPDB senden agi

Dimapur, November 6 (TYO) : November 5, 2015 nü Dimapur Deputy Commissioner indang conference hall nung District Planning & Development Board senden agiogo.
Dimapur nung society tem registration atema onük benoka jembidang Amazing Grace Mission aser United Rongmei Friends of Music, Namgalong, Burma Camp nungertem agizüktsü junger ta DPDB züngsemi lemtet.
Parnokisa Dimapur Urban Council Chairmen Federation aser Acts Institute Dimapur na registration mesüi atatsü lemtet.
Department-i kuli agütsüba aser committee convenor-i junger ta ashiba agi züngsemtemi Little Buds School, Kuda B village, Charis High Academy Chumukedima Town, Quest Fulfill School, East Dimapur, Purana Bazaar aser Eastern Public School, Erabill nungertem lapoktsü asoshi bangdakpur dangi abentsü lemtet.
House-isa Grace Academy, Thahekhu Block 3 up gradation aser G.W. Memorial School nungi Viphuho foundation High School, Model colony, Purana bazaar tenüng melentsü onüktem agizük.
Senden nung onüktem benokba jembiba rongnung tongtipang kaji, State Bank of India (Main Branch) anasa aliba police point nungi District hospital tashi traffic jam indang khuret liasü. CMO (Medical)-i ashiba agi traffic jam ajuruba ajanga shirangertem mapang shitak nung mozü ki metongteter.
DPDB züngsemtemi iba khuret ya Commissioner of Police dangi abentsü lemtet.
Taoba senden nung nungloktsüba ama Social Welfare Department-i departmental presentation agütsü aser taruba senden nung Horticulture Department aser Tourism Department nem iba mapa inyaktsü lemzüktsü. Yashi agiba senden nung mendenji ADC Hq, Dimapur, Elizabeth Ngully liasü.