Dimapur DPDB senden kaogo

Dimapur, Chiteni/July 05 (TYO): Dimapur District Planning & Development Board (DPDB) senden Chiteni/July 05, 2018 nü DC indang conference hall nung liogo aser iba senden ya DC Dimapur, Sushil Kumar Patel, IAS-i ketdangsüa agi.
Iba senden nung MLA, Moatoshi Longkumer-a arua aden, aser Dimapur nung sorkar mapa inyaktsü arua aliba ya tia takartem lir aser parnok ya Dimapur nung nüburtem ajungkettsü asoshi mapa inyaktsü yok, ta pai ashi. Paisa senden nung adenertem dang longjemer ochishia mapa inyaktsü ajungshi.
Pei agitsü bilemba aser kinunger adianu atema dang bilemba yimya indoker lenla balala nungi nungshiba koktettsüla aser kü tsütsü nungi nia tajangzük mebushitsü, ta pai senden nung jembidang ashi.
Dimapur merükmejua tepur junga ayutsü indang jembiba mapang iba mapa ya department ka kisüng khuret masü saka nisung ajak mapa asütsüla, ta pai shisem.
Iba senden nung Green Valley Academy, Razaphe Village; Noble Roots Academy, Diphupar B, Dimapur; Spring Feild School Razaphe Village, Dimapur; Raindrops Academy (Viola Colony Dimapur); Jehovah Jireh School, Vidima Village, Dimapur; Zakihiri Shuya Memorial School, Chumukedima Village, Dimapur; Paramount School, Khaghaboto Town, Dimapur aser The Sylvan School, Holohon Colony, Dimapur amala school tasen lapoktsü aser Dovecote Christian School, Seitheke Basa, Dimapur upgrade asütsü onüktem jembia sorkar dangi abentsü agizüka ayu.
Board-ia Yimchungru Surale Cultural Society, Chumukedima; Unger Tenem Welfare Society; Zaphu Valeo Society, Urra Village; District Scrap Owners Association, Burma Camp; Global Mission Asia, Thilixu Village; Walford Area Sumi Community (SHG) Dimapur; Trailblazer Society, Dimapur; Village Development Committee, Tokishe Village aser Musik-a Society tem dak sendakba ken o jembia verification sür sorkar dangi abentsü jembi.
Iba Board-isa Dimapur nung tobacco advertisement tem indoktsü onoktem jembir committee ka tentettsü renem.
Iba senden nung DHO Dimapur-i inyakba mapatem District Horticulture Officer-i PowerPoint presentation agütsü aser DNO, NTCP, Dr. C Tetso-i Smoke Free Initiative indang PowerPoint presentation agütsü.
Prodigal Home Dimapur mendenpuba, Ela San I-ia Dimapur ya matamabensartem timtem majurui oli-ora sütettsüsa yanglutsü indang tasa kar iba senden nung lemsatepa liasü.