Dimapur DPDB senden menogo

Dimapur, May 05 (TYO): Ita shia amenba senden May ita atema Dimapur district District Planning & Development Board (DDDP) senden May 05, 2017 nü DC’s conference hall, Dimapur nung Revenue Officer, Dimapur, B. Henok Buchem leniba nung menogo.
Iba senden nung board-i Pudumpukhuri, Dimapur nung aliba The Art of Living Nagaland registration agitsü aser osangtem nung ajemdaker 4th mile, Diphupar, Dimapur nung aliba Shemrock Primary School den Lotovi village, Dimapur nung Greenland School, Lotovi lapoktsü atema agizük.
Board-isa Isaac Newton School, Dimapur nung B.Ed. M.Ed atema No Objection Certificate agütsütsü lemtet.
Iba senden nungsa Dimapur District kübok Social Welfare Department-i parnok sentong aser mapatem indang Powerpoint presentation agütsü.
Geology & Mining Department-ia par department-i inyaktetba mapatem osang metetdaktsü.
Iba senden nung Revenue Officer-i lokti balalai sorkar ali atsünga agiba aser mapa nungi anenba sülen sorkar ki medoktsüba tebilemtsü benoka iba atema mera agia inyaktsü nüngdak, ta metetdaktsü.
Paisa lokti dang, ali alidang kanga kümdangtsüla, ta ashiba den külemi mapang shidak nung küm shia saru agütsütsü nüngdak, ta metetdaktsü.
Mendenbubai tepela anküp o jembia iba senden tembanga liasü.