Dimapur Govt. College aser ESTI nati tezüngzüktep ka agiogo

Dimapur, August 09 (TYO): Dimapur Government College (DGC) aser Emporium Skill Training Institute (ESTI) nati aviation, hospitality aser International cruise-line sectors tsütsü college kaketshirtem nem Government-sponsored skill development training agüja recruitment maongka agütsütsü atema tanü MoU ka sign süogo, ta ketdangsertem osang ka ajanga metetdaktsü.
Kavili Jakhalu, Principal, Dimapur Government College aser Anirban Mukherjee, Operations Manager, India & International – Emporium Skill Training Institute nati MoU nungji sign asü.
DGC aser ESTI nati tang college nung tezüngdakpur aser tamalen azüngertem nungi tejangrar candidates shimtsü. Nagaland nung alir aser valid Aadhaar card alirtemia iba programme agitettsü.
Shimba candidates nem item sectors nung skill development training angati agüja international luxury premium five star hotels, airlines aser cruises nung mapa maongka agütsütsü.
Iba training ya India sorkar flagship scheme Pradhan Mantri Kaushal Vikas Yojna (PMKVY2.0) kübok agütsütsü aser ESTI-i Dimapur Govt. College nung PMKVY Skill Training Centre ka lapoktsütsü.
Iba partnership ya kanga tongtibang, kechiyong iba ya ajanga state nung mapa manguba tebilemtsü ajemtsü aser Nagaland nung lanurtem nem tashi agütsütsü.
Skill development ya kanga tongtibang formal education ka lir, anungji taküm küm tsüngda ESTI-i Nagaland nung college balala den senteper iba atema inyaktsü. Tang tashi nung ESTI-i India nung college 167 nung iba programme agidar.
Emporium Training & Consultancy Pvt Ltd (ETCPL) ya National Skill Development Corporation (NSDC), Ministry of Skill Development & Entrepreneurship, Tourism & Hospitality Sector Skill Council, Government of India kübok register asüba vocational training institution ka lir.
ESTI ya Department of Employment, Skill Development & Entrepreneurship, Govt. of Nagaland den empanelled training partner ka lir aser Ministry of Skill Development & Entrepreneurship, National Skill Development Corporation, GoI kübok register süa lir.