Dimapur Govt. College Golden jubilee amonger

Dimapur,May 08 (TYO) : Taküm 2016 küm ya Dimapur Govt. College atema Golden jubilee küm lir, anungji iba sentong tatembangbaji November tetenzüklen agitsü bilema Jubilee Planning Committee purtemi inyaktepdagi.
Iba nüngtem nung taoba Hokolbar nikongdang College principal, Wb.Ngangshikokbai anir tesayurtem aser tamalen Dimapur college nung azüngertem telongjem (Alumni Association) nung lenirtem den senden ka mena sentong kar atongogo.
Item sentongtem rongnung küm tsüngda Alumni o College tesayurtem na tsüngda cricket match ka asayatsü aser ano alumni night ka ayongzüka akatsü lemtetogo.
Tang Alumni Association purtemi College gate ana yangludagi aser ano collage atema mapa tajung kar inyaktsütsü tebilemba lir.
Iba College jubilee nüngo kaket nung adoktsü asoshi tamalen iba college nung azüngertem nungi ocet (articles) aser pei azüngba mapang agiba noksatem agütsüdaktsüner aser ano kari danga maparen kar nung jenjang tajung nguteta lira, itemjia metetpeladaktsüner ta Jubilee Souvenir Committee nung tayonger Dr.Jamedii mepishia metetdaktsüogo.