Dimapur Govt. College nung Antitobacco awareness sentong aka

Dimapur, Luroi/August 21 (TYO): Luroi/August 20, 2018 nü Government College Dimapur auditorium nung moko (Tobacco) dak sendakba nung awareness sentong ka ayongzüka kaogo.
Sentong nung NTCP nungi Dr C Tetseo-i ojembiba mapang, Tobacco industry temi lanurtem dak rangloker inyaker aser lanurtem aika iba alar kümogo, ta ashi.
Paisa, temesepba mozü, yi aser moko ama timtem adokdaktsüba chiyongtsü benshiba indang temetettsü kaketshirtem shiai meteta alitsü nüngdaker ta ashiba den, iba amala kanga dang tetoktepba putu ka nung item temesepba chiyongtsütem ajanga parnok taküm meraksadaktsütsü asoshi ajungshi.
Pai moko mamshiba campus ka kümdaktsütsü asoshi nüngdakba kanga tongtibangsa jembi. Iba sülen Dr C tetseo-i, educational institutions temeket nung Tobacco control laws benoktsüba onük nung ajemdaker college nung faculty tem den sensaksema liasü.