Dimapur-i aoba bus gari ka tsükok

Imphal, November 13 (Agencies): Manipur nungi Nagaland kübok Dimapur-i aoba bus gari ka Bodbar anüngdang Senapati district nung tsükok.
Ajisüaka, iba osang zülu tashi nung iba lendong nung nisung asüba osangbo kecha mali.
Tanü anüngdang 1.45 ako meta Imphal nungi Dimapur tashi senzüba tourist bus ji Maram aser Makhan yimtsüngtem tsüngda lungren kati tsüoka ai, ta osang ajanga ashi.
Osang ajangasa ashiba agi, iba lendong nung yirurtemji Maram nung aliba Assam Rifles hospital-i anir oa anepaludar.
Terata yirurtemji Maram nung first-aid agüja anepaluba sülen yokogo, ta osang ajangasa shisem.