Dimapur Inter Departmental asayamong tembangogo

Dimapur, October 29 (TYO): 2 buba Dimapur Inter Departmental Sports Meet 2016 tanü, Honibar nü tembangogo.
“Tan amala asayamong ayongba ajanga sorkar department balala nung inyaker rong nung tesendaktep tajungba akümtsü aser amalitepa tali alitsü,” ta asayamong shibangba sentong nung tongti tesemdanger, Commissioner of Police, Liremo Lotha IPS-i metetdaktsü.
“Tan asayamong nung takok angur ajunga dang pelaba osang lemsateper aser tan asayamong takok ngua agiba atema Dimapur District Administration nema tetushi agütsür,” ta pai shisem.
Tongti tesemdangerisa tan asayamong nung takok angurtem nem sempet/senpet agüja liasü.
Tan asayamong nung Geology & Mining Department-i overall shilem nung champion aküm aser Prison Department aser DRDA nati 2 buba aser 3 buba jenjang ajangzüka liasü.