Dimapur kübok sorkar office tem ‘smoke free’ asütsü

Dimapur, Metsüremi/March 27, 2019: Tanü Dimapur DCs conference Hall nung Dimapur DLCC, NTCP senden amenba noksa nung angur.

Dimapur, March 27 (TYO): Public aliba tesemtem ateti atema merüka kümdaktsütsü, ta shia Dimapur Deputy Commissioner, Kevekha Kevin Zehol-i, Dimapur Distrixt kübok sorkar offices ajak moko machiba tesem ‘smoke free’ kümdaktsütsü, ta metetdaktsü.
March 27 nü DCs conference Hall Dimapur nung District Level coordination committee den National Tobacco Control Programme review senden repsema agiba mapang nung
Kevin-i, iba dak sendakba nung Dimapur district kübok office ajak nem sangdong ka agütsütsü, ta metetdaktsü.
Paisa committee züngsemtem dang sensotem dang moko achiba ajanga takoksa anguba metetdaktsütsü atema DDK, local cables aser radio nung shilem agitsü benok.
Paisa, cinema hall nung interval mapang nung anti Tobacco campaigns agütsütsü benok.
Iba dak alia poster aser IEC campaign ano taliba agitsü metetdaktsü.
CMO Dimapur, Vikato-i, iba campaing benokba tesemtem nung inyakyim tajungba akümtsü, iba dak alia nursing home doctors, dental association, food safety wing aser tamangba yimsü lokti balalai NTCP cell Dimapur den angatettepa tobacco control campaign tejaklenia bener aotsü ajungshi.
NTCP dak sendakba Tobacco School club nung school tasen trok- Grace Academy, Eklavya model residential school, Riverbelt school, St.Joseph school Niuland, GHSS Medziphema aser Gilgal school denogo aser DC Dimapur-i item school nem Tobacco free School certificate agütsü.
Psychologist, DTCC, Kr. Imkumla Aier-i 2018-19 küm atema NTCP Dimapur mapatongtem osang metetdakja liasü.