Dimapur kübok tesem kar nung power supply mangutsü

Dimapur, May 16 (TYO) : Dimapur nung yipru ajanga Airport, Purana Bazar aser Naharbari tesemtem nung HT aser LT lines raksaja lir.
“Iba asoshi Department-i onok tajungtiba agi power supply agütsütsü atema mapa inyakdar anungji, item telongtet nung alirtemi timtem angateta aremzüka atatsü mepishir,” ta Executive Engineer, Dimapur Electrical Division, Er. Moameren-i sangdong ka nung metetdaktsü.