Dimapur Mega Book Fair tenzükogo; Manna for the Soul-i kakettem bendener

Dimapur, September 7 (TYO) : Hombar nungi Rengma Baptist Church, Khermahal Dimapur nung Dimapur Mega Book Fair tenzükogo aser iba sentong ya anogo asemnü agitsü.

Iba fair ya O M Book, Dimapur branch ajanga ayongzüker aser iba sentong den külemi Manna for the Soul ajanga kaket tenlatsü atema collection point ka lapoker.

Nisung kari Christian literature (fiction & non fiction) kakettem tenla agütsünüa lira Manna for the Soul-i itemji bendener.

Kaket azüngba ajanga nisung ka yimyatsüya melenshidaktsür aser taküm libaliro nung tajangzük aika angur. School textbooks aser academic kakettem dak alaka tanga kakettem azüngtsü mangur nisungtem alir aser itemji asoshi Manna teloki kaket alirtem dang nungi tenla meshir.

Manna teloki item kakettemji Orphanages, Hostels aser Ministry balala nem tenla agütsür. September 7-11, 2015 anepdang 10:00 ako nungi 5:00 ako tashi Rengma Baptist Church, Khermahal Dimapur nung collection point lapoktsü.