Dimapur Naga Students’ Union-i metetdaktsür

Dimapur, July 30 (TYO): Nagaland nung mapa inyaker aser meinyakertem asadangba mapa ka inyaktsü atema Nagaland government-i metetdakja lir, aser ibaji inyaktsü atema NSF teloki nungloktsüba ama Dimapur Naga Students’ Union (DNSU) ajanga iba ‘Enumerations forms’ ji alemer, anungji Dimapur nung 3rd mile nungi Golaghat Road aser Dillai gate tashi nung aliba yimtsüng aser mepu shia nungi GBs, Youth Organisation aser kaketshir telongjemtemi July 29 nungi August 5, 2016 anogo tashi nung anepdang 10:00 meshi nungi nikongdang 4:00 meshi tashi nung DNSU office nungi bener aotsü mepishir, ta metetdaktsüigi.
Iba maparen atema metetpelanüra mobile phone number 8132912189 / 8259800542 ajanga tongtepratep sütettsü.