Dimapur National Lok Adalat nung ken o 33 kaogo

Dimapur, November 11 (TYO): Dimapur District Legal Services Authority-i Honibarnü District Court Dimapur nung National Lok Adalat (people’s Court) ayonga kaogo; ken o timbaka banking dak sendakba, Public Utility aser Motor Accident Claims Tribunal (MACT) ken otem liasü.
Bank tem aser Public service providers-i shilem tajung agiba ajanga item ken o aika benteta tembangogo. Dimapur National Lok Adalat nung ken o 33 benoka kaogo aser item ken o dak sendakba senji 43,36,616 (Lakh lirasem, meyirjang semertrok, noklang trok ser sen tertrok) liasü.
Tanü state Lok Adalat nung Banks, Insurance companies aser stakeholders aikati amalitepa shilem agiba ajanga Lok Adalat kanga takok ngua kaogo.
Lok Adalat ji Presiding Judges leniba nung agi aser conciliators, Lawyers aser Para legal Volunteers-i yaritepa liasü.
Item ken oji azüngzülu mashirtem lenji oa pei oshi nunga agia liasü.
Lok Adalat (The Peoples Court) nung ya sen kanga maor aser tekaraba nung ochi obendang agütsür. Linük tesem ajaklen National Lok Adalat ya ita shia anaben agir.