Dimapur Night Carnival 2016 (DNC) atema metetdaktsür

Dimapur, December 11 (TYO) : December 13, 2016 nü stall lemzüktsüba mapang stall lapoktsü lemzüka alir, kija, Company aser teloktem ajak aru adentsü metetdaktsür ta Dimapur Night Carnival 2016 (DNC) ayongertemi sangdong ka nung ashi.
Carnival atema stall lemzüktsübaji anepdang 8:00 ako nung Naga Shopping Arcade nung alitsü. Kasa mapang Stall lemzükja alirtemi DMC aser Organizing committee züngsemtem den lokti nübodoka mapa inyaktsü, ta Dimapur Night Carnival Convenor, Hokivi Chishi aser Secretary, Dr. Khekugha Muru nati sangdong nung shia lir.
Stall lemzüktsüba mapang maruba sülen nisung kari ken o benokra, organizing committee-i magizüktsü, ta tayongertemisa metetdaktsü.