Dimapur Night Carnival alitsü

Dimapur, October 29 (TYO): Taküm benjong mapang 7 buba Dimapur Night Carnival (DNC) tajungba agitsü sentong lir.
Iba carnival ya Dimapur Chamber of Commerce and Industry (DCCI) aser East Dimapur Business Association (EDBA)-i district administration den yaritepa ayongzüker aser taküm Hornbill Festival sülen December 11 nungi tenzüktsü.
Hotel Four Season nung DCCI aser EDBA indang külem senden ka nung iba osang metetdaktsü.
Parnoki ashiba agi, taküm Naga lanurtemtem teimba ser entrepreneur nem stall 250 lemzüktsütsü. 2018 nung amongba ama taküm-a environmental friendly canopy system amshitsü aser tang mezüng atema ‘plastic free zone’ asütsü.
Dimapur Night Carnival (DNC) ya benjongbentsü aser maongka alizüngtem yur ayongzüka amonger. Iba sentong nung tanur-tain ajaki shilem agiteter aser alima tesem balala nung alirtem ajurutepa sensaksemteter. gaming zone, music shows, ethnic food stalls and other entertainment shows
Iba benjong nung gaming zone, music shows, ethnic food stalls aser tanga entertainment shows ayonga agir aser Naga nunger chiyungtsü balala angur.
DNC ya local entrepreneur tem ajungkettsü aser rongsenkettsüng ajungkettsü nükjidong nung ayongzüka amonger. Iba ya mezüng 2013 küm ayongzük aser küm shia tuluba aser tajung mongyonga arur.
DNC atema stall mekazüka yunürtemi Shivam Bakery, Dhobinalla; World of Titan, Church Road; Metro, Circular Road; MRF, Duncan Bosti; Popular Bakery, Purana Bazar; Shivam Bakery, Darogapather aser Bajaj Showroom, Chumukedima nung form tem meshitsü akok.
Stall dak sendakba osang tali metetnürtemi Stall Committee, DNC indang convenor 7005526728 aser secretary 7629843885 den tonteptsü akok.