Dimapur & Niuland tsüngda NST bus service tenzüktsü

Dimapur, July 15 (TYO): 4th mile Referral Hospital anasa Dimapur aser Niuland tsüngda sendaktepba apu chirepba sülen kechisarena nung jenjang atuba ajanga nübortem timtemer. Iba dak sendakba nung July 17, 2017 nungi tenzüka teyari kar agütsütsü lemtetogo, ta Honibarnü Dimapur Deputy Commissioner-i sangdong ka nung metetdaktsü.
Dimapur aser Niuland nung alirtem senzüsenbongtsü atema anogoshia NST bus service agütsütsü aser trip shia sen 20 taa agitsü, ta DC-isa ashi.
Maneni tetsüng agi senzürtem atema suspension bridge ka Chathe ayong temdanga tekaratiba nung yanglutsü aser Patkai-Seithekie-Niuland lenmang nung passenger bus tem dak alaka tanga gari tulu kecha mesenzüdaktsütsü, ta Dimapur DC-isa sangdong nung metetdaktsü.

NST bus service indang temetettsütem:
Pick up & Dropping point               Time                                              Pick up Points
1st Police gate Chumukedima         7:30 am, 12 noon 3:00pm         Patkai college
Police outpost, Showuba                 9:00am, 12    noon 3:00pm        Seithekie C , Seithekie A