Dimapur nung 32 AR-i ganja shishilembar ka apu

Dimapur, July 15 (TYO): July 12, 2017 nü HQ IGAR (North) kübok 32 Assam Rifles sepaitem den police züngsemtemi Dimapur nung Dizephe tesem mita ao, aser iba mapang nung Assam Rifles sepaitemi nisung ka ket nung packet 21 nung Ganja seret 330.25 (sen 49,53,750/- shi jenjang) apu, ibaji Maruti Gypsy gari ka nung belener liasü, ta Assam Rifles sangdong ka ajanga metetdaktsü.
Iba nisungbaji Manipur, Senapati kübok V Khel Lai yim nungi alir Sani Poumi’ar jabaso arishi küm 18, Joy Poumai liasü, ta jangjaogo.
Maneni bushisüngdangtsü atema pua alisang den külemi pa ket nungi apuba ganjaji Sub Urban Police Station, Dimapur ket nung agütsüogo, ta sangdong nungsa shia alir.