Dimapur nung 4.0 Vahan service inyakyim sayur

NIC Nagaland, Technical Director & Transport Project Co-ordinator, Lanusungkum Aier-i Luroi/Aug 30 nü DTO, Dimapur nung vahan 4.0 services dak sendakba nung gari shishilembatem training agiba  mapang jembiba noksa nung angur.

Dimapur, August/Luroi 30 (TYO) : District Tansport Office Dimapur nung anogo ana atema gari ayokertem dang Vahan 4.0 services inyakyim sayuba sentong ka tanü tenzükogo. Iba inyakyim ajanga DTO nung gari register asüba, tax aser permit agütsüba inyakyim indang sayur.
Iba sentong nung jembidang, iba inyakyim tasenba ya nübortem aser government na prongla atema tajung asütsü, kechiyong iba inyakyim ya linük ajunga den ka küma sendakteptsü, anungji maparen kecha nung meshitak meinyaktettsü ta Technical Director & Transport Project Co-ordinator, National Informatics Centre, Nagaland, Lanusungkum Aieri metetdaktsü. Iba sentong nung RTO, Dimapur, Lovikali Yepthomi menden liasü.