Dimapur nung aliba Police stations ‘Smoke Free’ akumtsü

Dimapur, March 18 (TYO): March 18, 2017 nü Police commissioner’s conference hall, Dimapur nung Police ketdangsertem atema Tobacco control laws traning sentong tajung ka kaogo.
Iba sentong nung shisalen sayurtemji Chief Judicial Magistrate, Ajongba Imchen aser medical department nungi Dr. C Tetseo na liasü.
Kasa sentong nung IPS Commissioner of Police, Imlisunep aser ADCP, Shouka Kakheto natia jembia liasü.
Commissioner of Police-i ketdangsertem dang, kanga nendaka inyaktsü aser tangari tatishitsü agitsüsa litettsüla, kechiyong nenok medenibo ozüngtem mebenoktettsü, ta ashi.
Iba training nungsa Dimapur district nung aliba police establishments aser Police stations ajak moko machiba tesem asutsü lemtet.
Ketdangsertemisa smoke free Dimapur campaign atema inyaktsü bangjem. Iba sentong nung zone ajak nungi police ketdanger 48 aden.