Dimapur nung Ao Pensioners atema sangdong

Dimapur, September 30 (TYO): Dimapur District Ao Pensioner’s Telongjem sanen luden senden September 28 nü mena Pensioner’s telongjem senpong audit October 12, 2019 nü agitsü lemtetogo, anungji sen luden shirnokisa membership saru mesarusepi ali, October 9, 2019 tashi nungbosa saru den received coupon book aser register sen luden tezülur ket nung agujang, ta Sen Luden Tezülur, M. Noknen Jamir-i sangdong ka nung metetdaktsü.
Sen luden kari saru agujaka register aser coupon book magutsüi lira October 9, 2019 tashi nung sen luden tezülur ket tongjang ta mepishia metetdaktsür, ta kasa sangdong nung shia lir.