Dimapur nung Aor lanur ka zükset

Dimapur, August 24 (TYO) : Dimapur nung Deobarnep 1:00 ako meta asangur ka kanga mejungi züker lia ngua anepalu saka pa Hombarnep Guwahati hospital nung süogo.

Iba nisung ya Longjang nunger Tiasunep ta jangjaogo aser pa Grace colony nung telidak liasü.

Osang angazükba agi pa ya Ao Kong-Lengrijan lenjem anasa kanga mejungi azükba zübo aika keter angu. Idangjisa pa Nikos Hospital-i anepalutsü atema anir ao saka pa temang kangasa majungba agi idak nungjagi Guwahati-i anir ao. Ajisüaka pa Hombar anepdang 11:00 ako meta asü.