Dimapur nung Aor lanurtemi shishilembaba wadang nung ajemoker

Dimapur, August 13 (TYO) : Nagaland nung shishilembaba tesem Dimapur nung Aor lanurtemi kisüjensüba osettem cement, iron rod, marble, rong (paint) aser electrical osettem tsümartem den toktepa ayok tenzükogo.
Item kisüjensüba osettem ayoker Aor lanurtem longjemer parnok kati ka den yaritepa shishilembaba mapa takok ngua inyaka aotsü asoshi telongjem ka tentetter tanü Naga Hardware, Khermahal, Dimapur nung Dimapur Ao Baptist Arogo nung sannüker, Rev.N.Tzüdir aser Ao Senso Telongjem Dimapur nung tir Wb.Süpu Jamir na den tantsü tambu kar jaoka shisalemsatep aser sarasadem mapa tajung ka agia parnok telongjem mapa tenzükogo.
Item Ao lanurtemi ashiba agi, tanü putu nungang asenok Naga nungertembo shishilembaba wadang nung ajemoker asünungji, akhidang nungi inyaka arur tsümartem den toktepa inyaktsübaji tasak aser tayongzükba tuluka lir, ajisüaka asenokia parnok dang nungi tajungba inyaktettsü koka alinungji, asen lima ajangzüktsü mechi parnoki shishilembaba maparen balala nung amdakogo ta metetdaktsü.
Parnok asoshi nübortem teyari aser sarasadem kanga nüngdaker ta Aor lanur shishilembartemi mepishia metetdaktsü.
Tanü iba senden nung shishilembaba maparen dak aketba onük nung shisalemsatepba sülen telok ajak külemi sarasadema liasü.
Aor kisüjensü (Hardwares) shishilembar Telongjem Dimapur nung dena alirtem tenüng, dokan tenüng, talidak aser mobile number itemi alitsü :