Dimapur nung Aor Pensionertem sentong alitsü

Dimapur, October 5 (TYO) : October 9, 2015 nü DABA tenla ki (Kher Mahal) nung Dimapur District Ao Pensioners Telongjem sentong agitsü.
Iba sentong ya anepdang 10:00 ako nungi Padumphukhuri Ao Pensioner temi bendanga agitsü, ta DDAPU Secretary, T. Pur Jamir-i sangdong ka ajanga metetdaktsü.
Sentong nung mendenji Ms. Narola Walling asütsü, Taku Longkumer-i temoatsü meshia sarasademtsü aser Padumphukhuri sector nungi Pensionertemi ken ka atentsü.
Sentong nungsa Rev. Maong Lemtur, Asso. Pastor DABA-i pensionertem atema sarasademtsütsü aser I. Meren Lemtur (Longsa Home Missionary Dimapur)-i Tsüngrem o jembitsü.
DDAPU Secretary-isa DDAPU züngsem ajak iba sentong nung arua adentsü mepishia metetdaktsüogo.