Dimapur nung AR-i yi aika apu

Dimapur, Tsüklai 02 (TYO): Osang ka angazükba nung ajemdaker Aenjeti 31, 2018 nü HQ IGAR (North) kübok Dimapur Battalion-i police densema Dimapur nung Kashiram Basti tesem mita ao, ta AR sangdong ka nung metetdaktsü.
Iba mapang nung mobile check post nung Assam Rifles sepaitemi melung melemi bilemba gari- Tata Truck registration No AS 12E 6917 sota reprangdang Indian made foreign liquor (IMFL) yi case 1250 apu.
Iba dak sendakba nung Assam Rifles sepaitemi nisung asem- arishi küm 27 Anu Debbarma (S/o Amulya Debbarma, R/o Dhalai, State Tripura); Samir Debbarma (21), S/o Amulya Debbarma, R/o Dhalai, State Tripura; aser Ohika Yapto, (S/o Khesto, R/o Zunheboto, Dist Zunheboto) nunger apu.
Maneni bushisüngdangtsü atema parnok den külemi sen lakh 30 shi jenjang yiji West Police Station Dimapur ket nung agutsü, ta sangdong nungsa shia lir.