Dimapur nung Ashok Leyland ayokdak tesem lapokogo

Dimapur, January 12 (TYO): Hinduja Group meyong aser India nung commercial gari timba yangluteter rongnung tanabuba, Ashok Leyland-i Mongolbarnü Dimapur, Nagaland nung oulet ka lapokogo.
Tasazük sq.ft 30,000 tesem outlet nung Ashok Leyland garitem alitettsü, servicing sütettsü aser spare parts alitettsü.
Lerinah Motors ya Wb. Pukreni Lerinah meyong lir aser pa ya Dimapur nung entrepreneur mezüngpurtem lir.
Iba outlet ya Asian Highway 1, 7th mile nung amenoka lir aser iba tesem nung Dimapur, Kohima aser anasa aliba tesemtem nung aliba garitem ajak yanglushitettsü.
Sentong nung jembidang Ashok Leyland Limited nung Vice President-Global Service, R. Nagarajan-i, “Nagaland ya onok asoshi kanga tongtibang market ka lir aser iba tesem lapoktetba atema onok kanga pelar. Iba outlet tasenba ajanga NE nung onok indang market share tang noklang nung shilem 21 aliba ya tali küma renloktsü imlar. Iba outlet lapokba ajanga Nagaland nung onok nükjidong tashi itta inyaktettsü onok tamang lir,” ta ashi.