Dimapur nung Assam Rifles-i ozüng alema inyakertem apu

Dimapur, Rongchii/April 30 (TYO): Rongchii/April 27, 2018 nü 32nd Assam Rifles-i nisung ana- asür, Khotovi’er jabaso arishi küm 30, Kito Chishi aser asür, Khotovi’er jabaso arishi küm 40, Eska Chishi na apu, tenaprong ya 5th Mile, Unity Village Dimapur nung alir, ta Tentonü (Hombar) Addl. Dy. Commissioner of Police/PRO, Dimapur, Nagaland-i sangdong ka ajanga metetdaktsü.
Tena ket nungi .22 mm Rifle den Magazine, .32 mm Pistol den Magazine (Thailand made) ka, .32 mm injang asem, 9 mm injang asem, 7.62 mm AK injang tekhadoh ka, .32 injang tekhadoh ka, sen 7,122/-, Mobile phone pongu, yearly vehicle tax slip ka, Arms and Ammunition details slip ka, Sumi Task Force details den nominal roll tapak asem aser general enrolment documents tapak 11 apu. Asüngdangyaba mapang nung tai tonglokja alir anati tena NSCN(K) nung züngsem lir, ta ashi, ta sangdong nung shia lir.
Iba dak sendakba nung Diphupar Police Station Dimapur nung ken o ka benokogo aser maneni bushisüngdangdar, ta kasa osang ajanga metetdaktsü.
Ano Rongchii 27, 2018 nü 32nd Assam Rifle-i Zunheboto district kübok Alaphumi yimer, Zukheshe’er jabaso, Kheio Shohe @ Toki (NSCN(K) züngsem 3rd mile nung apu, aser pa ket nung SP Capsules tenet, sen 31,800/- aser sen akhangba slip ana apu, ta kasa sangdong ajanga metetdaktsü.
Iba dak sendakba nung Diphupar Police Station Dimapur nung ken o ka benokogo aser maneni bushisüngdangdar, ta kasa osang ajanga metetdaktsü.
Maneni Rongchii/April 27, 2018 nü Dimapur Police-i IMFL yi balala case 43 bena aliba atema nisung ka tenüng agi, Heshu Moa (arishi küm 31) puogo; pa anema ken o ka benokogo aser maneni bushisüngdangdar, ta kasa sangdong ajanga metetdaktsü.