Dimapur nung ‘Barbeque Nation’ restaurant lapokogo

Dimapur, Metsüremi 19 (TYO): India linük nung kanga nüngtugu chiyungba restaurant, Barbeque Nation 100buba tanü Dimapur yimti nung lapokogo, aser iba sentong nung tongti tesemdangerji GS Business Owners Association Dimapur Tir, Omega Yepthomi liasü.
Iba restaurant ya SBI, Dhobinala, Dimapur anasa Savior Ministry building 3rd floor nung lir; Iba outlet ya 4000 square feet tasazük nung lir aser khenyongi nisung 88 asemtsü, iba den külemi white-orange logo den Barbeque Nation indang omen Brand tenüng lir.
Assistant Regional Manager East India, Barbeque Nation, Hospitality Ltd, Suman Mukherjee-i, “Guwahati nung iba outlet ka ajanga North East nübur tenzükba nung tepela liasü; tang ano Dimapur nung ka lapokba ajanga maneni lapokyonga aotsü imlar,” ta metetdaktsü.
Barbeque Nation lapokba sentong nung tetushi tajaokertemji Ebenezer orphanage Home nungi tanurtem liasü.